Развојот на стартап екосистемот може да се забрза со пристап до финансиска и менторска поддршка. Банките започнуваат да преземаат ризици и да одобруваат финансии на стартап компаниите или да кредитираат идеи за бизнис.
Преку програмата „Чекор по чекор“ на Шпаркасе банка Македонија, Стартап Академија и Бизнис Импакт Лаб, сите идеи за бизнис може да добијат шанса за поддршка. Ова е уникатна можност, која е директен мотив да се размислува за реализирање на идеите, кои ги имаат претприемачите, особено за младите луѓе, да се охрабрат и да создадат свој бизнис.
Во емисијата, анализа на програмата и состојбите со стартап компаниите, развојот на претприемништвото, значењето на менторската поддршка, преку
разговори со соговорниците:
Владимир Кечовски – директор за мали и средни претпријатија во Шпаркасе банка Македонија
Виктор Митевски – со-основач на „Стартап Академија“
Кристијан Милески – „ Бизнис Импакт Лаб“
