Новите трендови и зголемената свест за здравиот начин на исхрана влијаат на развој на дејноста поврзана со храна. Понудата се збогатува, а растат и можностите за нови бизниси и нивна конкурентска предност во позиционирањето на пазарот. Храната е лек за физичко и ментално здравје . Затоа, компаниите кои произведуваат и продаваат здрави оброци, имаат богата понуда, со цел да ги задоволат потребите на купувачите, кои се повеќе се насочуваат кон здрава храна. Интересот за вакви оброци секојдневно расте, а тоа е причина повеќе, сопственичките на „Мелем од вкусови“ да создадат пакети за здрава исхрана, употребувајќи доминантно локални земјоделски производи. Тоа влијае и на поддршката на локалните производители на земјоделски производи.
Откако ја доживеале трансформацијата од користење на здрава храна, станале подготвени истото да го споделат со луѓето и да им покажат дека основата за се е исхраната. Животниот стил и секојдневните навики се всушност она што сме ние, велат сопственичките на „Мелем од вкусови“, Ана Јорданова Дубровска и Андријана Срчокова. Свесноста за она што го внесуваме во нас, може да не однесе многу далеку. Затоа се посветиле да креираат производи кои ќе дадат нова животна енергија, колку што е потребно. Нивното мото е одвојте повеќе време за себе и работите што ве прават среќни, а тие ќе се погрижат за здравите и вкусни оброци.Зошто, “Здравата храна, значи здрав живот и чиста животна средина”, слоган, како бизнис мисија, по која се води „Мелем од вкусови“.
Во емисијата, анализа со Андријана Срчокова – соосновач на „Мелем од вкусови“
