Потребата од едукација на менаџери за домашните и странските компании во Македонија е евидентна.Како резултат на направените истражувања и нови иновативни идеи, се формираше ваква институција која ќе го надополни сегментот на специјализирана едукацијата за менаџмент.Визијата да се понуди едукација на менаџерите со цел развој на вештини преку квалитетни едукативни програми, унапредување на техничките знаења, акцелераторски програми и активности за истражување и развој ја донесе на нашите простори првата Академијата за Извршни Менаџери во Виница, создадена под покровителство на компанијата МАКПРОГРЕС, ЕБОР Лондон и Владата на Јапонија. Академијата за Извршни Менаџери е дел од Фондацијата “ПРОГРЕСИВ АКАДЕМИЈА” Виница основана од компанијата МАКПРОГРЕС. Таа има за цел да овозможи развој на бизнис лидери преку користење на најновите светски трендови и знаења од областа на менаџментот.
Во емисијата, многу повеќе за значењето на едукацијата и можностите што ги дава новата образовна академија, преку обраќањата и разговорите на :
Глигор Цветанов, ген. директор на „Макпрогрес“ доо Виница и претс. на УО на Фондацијата „Прогресив Академија“
Анди Аранитаси – Претставник на канцеларијата на Европска банка за обнова и развој во Скопје
Билјана Марковиќ Стаменова- директор на PrimePoint Partners и академски директор на Академијата за извршни менаџери „Прогресив Академија“
Игор Маџов – Претседател на Стартап Македонија и фасилитатор за инвестиции за Западен Балкан на Swiss Entrepreneurship Program
Викторија Шотароска Трајкова- регионален менаџер за Македонија, Косово и Албанија на П.И.К.Ко, учесник на „Прогресив Академија“
Фросина Мешкова – директор на академија за технички струки, „Академија Винчини“
