Студентите на НОВА ја пречекаа есента во силни прегратки. Во нејзина чест, се забавуваа, приредија возбудливи игри, истражуваа, другаруваа. Многу смеа, игра, радост. Ден за забава. Онака, како што доликува на шаренилото на есента, полна со вкусови, миризби, колачиња. Цвеќиња, тикви, јаболка, бои, жолти, портокалови, црвени…
Основците, облечени во ликови од омилените книги, го исполнија училишниот двор, за да уживаат низ игри, да го бараат својот пат низ лавиринти, да играат со јаболка и тикви. Забава и за децата, но и за родителите,кои како волонтери помагаа на настанот. За крај, задолжително, есенска фотографија и подароци, за спомен и збогување со есента.
Happy Fall!
