НОВА во празнично руво, во пресрет на Божиќната магија. Насмеани детски лица, многу ѕвезди, снегулки, ѕвончиња, лампиони, игра, смеа, забава.
Што ќе донесе Дедо Мраз, ах, колку големи желби се запишани во тајното детско ковчеже испратено до него.
Затоа, во негова чест, НОВА беше претворена во Божиќна бајка, приреди одлична забава, а децата полни со среќа, го исполнија својот дел од таа магија.
Од пригодни претстави, на малите и големите студенти, до Божиќен базар, каде можеше да се купи вреден подарок, за своите сакани.
На крајот, по сите игри, песни, танци, заслужено, сите поитаа во прегратките на Дедо Мраз, за да направат фотографија за спомен, на оваа Божиќна претстава.
