ВЕЧНА ДИЛЕМА – МАРКЕТИНГ ВО ВРЕМЕ НА КРИЗА

Да ја повториме лекцијата, бидејќи имаме уште една криза.

Нова криза, старата дилема. Дали да се вложи во маркетинг кога е криза ? Дали да се елиминира таа ставка, која се уште за жал, се смета за трошок на компаниите и најлесно е да го намалат тој трошок.

Колку е оправдано?

По сите совети на специјалистите за маркетинг и консултантите, во време на криза маркетингот е задолжителен и не смее да се запре процесот на промоција на производот, услугата, брендот. Тоа е погубно и ќе го исфрли бизнисот од пазарот многу брзо. А, конкуренцијата, ќе биде најсреќна, зошто само тоа го очекува и посакува.

Дали вие го посакувате тоа, како компании кои сте се бореле и поминале низ сите голготи.

Треба да се размисли.

Што се добива, а што се губи ?

Не штедете за маркетинг !

Бизнис консултантите велат: Довербата е клучна. Кога ќе се стекне доверба за компанијата, тогаш е нешто сосема друго. Маркетингот треба да биде во насока на стекнување доверба. Купувачот дава пари за производ или услуга на компанија на која и верува, на компанија која е квалитетна и посветена во своето работење.

Потребно е да се ревидираат стратегиите, да се види дали производите или услугите, онакви какви што се, и понатаму се потребни на пазарот и дали се во чекор со потребите на купувачите и трендовите.

Да се анализира, да се работи тимски, да се вложува во маркетинг. Да се продолжи со градење и одржување на брендот, зошто вакви потреси на пазарите, ги селектираат добрите компании и оние кои работеле истрајно на својот бренд. Да не се запира, да се комуницира со клиентите и добавувачите, да се вложува во маркетинг. Да се прилагодат маркетинг стратегиите на новите промени, во самиот маркетинг, со силен акцент на онлајн промовирање, во сите негови форми и облици.

Уште нешто од консултантите, како потсетување:

„Повеќе од било кога излогот од вашите компании се наоѓа на телефоните. Затоа, маркетингот е инвестиција и помош на продажбата. Ако сакате да станете бренд, морате да се рекламирате, што поголем број на луѓе да знаат за вас. Како некој ќе знае за вас, за вашата компанија , за вашиот производ, за тоа што го нудите, ако не се рекламирате“, вели Индира Попадиќ, бизнис консултант од Нови Сад.

Трендовите се менуваат. Денес, паметните технологии многу помагаат. Треба да го искористиме тоа. Но, со добро осмислен маркетинг. Тогаш, секоја компанија сигурно ќе го унапреди работењето, сигурно и ќе ја зголеми двојно продажба. Но, тоа значи и да се зголемат компаниските активности, дури и да се триплираат. Не, во смисла да се заврши кампања или маркетинг и да се запре. Напротив, да се продолжи, да се работи постојано. Зошто, мора да се одржува постојана комуникација со купувачите, да не се губи врската со нив, бидејќи ако компанијата не успее да постигне и емотивна врска, купувач – производ- бренд, помали се шансите за успех и зголемување на продажбата.

Едно е потврдено, маркетингот е задолжителна активност во време на криза, прилагоден на состојбите и можностите, добро осмислен.

Од секогаш се чудни и неиздржани одговорите на менаџерите и сопственици на компании, во однос на одбегнувањето на маркетингот. Во смисла, „ не можеме сега, многу тешко оди, немаме средства за маркетинг“. Ако се следат активностите на многу компании, лесно ќе се воочи дека, доколку се направи реорганизација и селекција во некои трошења и преземени чекори, ќе имаат пари и за маркетинг. Иако, буџетот за маркетинг не треба да биде со некои суми кои ќе бидат скромни и нема да дадат простор на маркетинг секторот да ја одработи успешно работата, зошто „рацете им се врзани“, туку буџет кој се одредува врз основа на маркетинг стратегија, направена со претходна анализа на пазарот и компанијата. Маркетинг, планиран за повеќе медиуми, повеќе канали за комуникација и маркетинг кој има континуитет.

Не само маркетинг на социјални медиуми, зошто е најевтината варијанта. Туку, маркетинг и на телевизија, како медиум. Статистиката дека, секој Македонец во просек по 4 часа и 34 минути дневно поминува пред телевизор, а Македонија е на високото трето место по гледање телевизија во светот. Исто така, не треба да се занемари и фактот, дека сепак, и покрај сите нови медиумски сили, кој и одземаат од колачот на телевизијата како медиум, телевизијата останува моќен и најрелевантен медиум, со влијание на гледачот, односно потенцијалниот купувач, кој се создава, гледајќи ја рекламата на телевизија.

Анализите само го потврдуваат тоа, бидејќи според спроведена анкета, „Од медиумите, испитаниците најчесто користат интернет и телевизија, 46% од нив користат интернет, а 41% користат телевизија повеќе пати дневно.“

Интернетот е се уште, законски не регулиран до крај медиумски простор, во кој секој може се да каже и непроверено да продаде и купи. За разлика од интернетот , телевизијата во секој сегмент одговара пред надлежни регулаторни институции, за својата програмска содржина и информациите кои ги пласира.

Од таму, доаѓа и поголемата доверба во телевизијата како медиум.

Секоја компанија, колку и да работи добро и успешно и има добар и конкурентен производ, ако не го покаже и промовира пред купувачот, ако не му го стави на пиедесталот, многу потешко ќе може да се развива , да ги зголеми продажбите и да биде успешна.

Затоа, прежалете ги средствата за маркетинг, за да не ве прежали вас пазарот и купувачот.

И кога се мисли на маркетинг, се мисли на сите елементи што го сочинуваат и на маркетинг, кој ќе го водат обучени професионалци во таа дејност.

Не е доволно „по дома децата“ да ставаат пост или да споделат објава. Или „имам едно дете во фирма, го бива и за маркетинг “ Потребно е плански и професионално водење на маркетинг активности.

Само за потсетување, како школски пример за влијанието на маркетингот. Во време на големата светска економска криза од 2007 година, оние компании кои продолжија да вложуваат во маркетингот, се издигнаа на пазарот, пораснаа, ги зацврстија своите пазарни позиции, ги заземаа ослободените позиции на пазарот и станаа предводници на пазарите. Излегоа победници и посилни од оние кои се исплашија и се повлекоа, криејќи се од страв. Само заради елиминирање на трошоците за маркетинг.

Треба да се научи лекцијата, таа е многу едноставна и брзо се учи.

МАРКЕТИНГОТ не е трошок, МАРКЕТИНГОТ е инвестиција.

М-р Марија Георгиевска
Уредник и водител на емисијата за бизнис и економија ПРОФИТ

КУЛТУРО – Димитар Кондовски

Димитар Кондовски е бард на македонската ликовна уметност. Во неговото творештво е практично проткаен културниот идентитет на современиот македонски ликовен израз. Доминантната мелодија на неговите дела се карактеризира од една страна со духовно-естетскиот и пластичен репертоар на средновековната уметност, а од друга со разни облици на нонфигуративна и асоцијативна уметност. Кога се набљудуваат неговите дела, се добива впечаток како да се гледа во некои сакрални трансцедентни објекти, бидејќи истите од нас изнудуваат обземувачко внимание.

Во оваа епизода на емисијата КУЛТУРО ви го пренесуваме екстатичното доживување што се добива од неговата неодамнешна постхумна и ретроспективна изложба во галеријата Даут Пашин Амам. На изложбата беа изложени дела кои дословно го прикажуваат секој период до неговото творештво и за кои може да се каже дека претставуваат кулминација на неговата творечка енергија во различни периоди.

Делото на Димитар Кондовски не останало незабележано, тој е добитник е на наградата 11 Октомври во 1964 година, за сликарство, Наградата 13 Ноември на Град Скопје во 1970, Наградата за сликарство Prix National на Меѓународниот фестивал на уметноста во Кан сир Мер, во 1974 година во Франција, Наградата Климент Охридски во 1987 година, бил добитник и на многу други награди и признанија.

СИТЕ ЕМИСИИ

НОВА – Вечер на класична музика 2022

Во чест на класичната музика, вечер исполнета со композиции, силни емоции, како времеплов низ музичката историја, преку партитурите на познатите светски композитори. Вечер, кога се слави убавината на секоја нота, која извира од вештите прсти на учениците на НОВА. Вечер, кога се спојува музиката од минатото, со музиката во сегашноста и иднината. Богата и одбрана програма, како избор за музицирањето, со лелеав „Музички сон“, традиционални песни на народите од светот, сонатини, пијано „Валцер“, до пијано „Игра“ , „За Елиза“ идр., кои се нижат една по една, која од која повпечатлива, емотивна.

Потврда за успешноста на ова музицирање е напредокот на студентите, во изминатите 10 години, преку желбата и истрајноста во изучувањето на инструментите и класичната музика. Успеси, кои ги постигнале заедно со своите професори, како ментори, но и поддршката од нивните семејства, со единствена заложба да се доближи класичната музика до нивната заедница и таа да расте во сите музички жанрови.

Збир на млади музички таленти, ученици од градинка до највисоките класови, оние што ги допрела класичната музика и станала нивно секојдневие. Тие детски прсти што „везат“ музика, што удираат по клавишите, што ги галат жиците. Што пловат низ музичката историја, низ вековите, преку композиторите. Тие се продолжение на Моцарт, Бетовен, Бах, Шопен… Затоа, тие вечно ќе живеат. Зошто, има млади таленти кои живеат со нив, во ова време. Колку да звучи храбро, тие се новите Моцарт, Бетовен, Бах, Шопен …

Затоа, силен аплауз за нив!

СИТЕ ЕМИСИИ

НОВА – Меѓународен ден на џезот 2022

Џез или не? – Тоа не е прашање! , рекол Луис Армстронг.

Музика која нема дефиниција, но има посебни ноти, изразена индивидуалност во изведбата, техниките, ритмовите. Џезот претставува многу повеќе од американски музички стил.

Затоа, заслужува да се слави и во НОВА, како Меѓународен ден на џезот.

Џезот, во 2011 година од УНЕСКО на иницијатива на легендарниот џез пијанист и композитор Херби Хенкок, е признат од Генералното собрание на Обединетите нации како Меѓународен ден на џезот, ден кој е посебно значаен, бидејќи зближува и обединува земји и заедници ширум светот, секој 30 април.

На денот на џезот, достојно одбележување приреди НОВА, а на настанот во негова чест, студентите, нивните родители, пријатели и сите љубители на џезот, имаа уникатно џез-доживување.

Инаку, Институтот за џез „Херби Хенкок“, е партнер на УНЕСКО во организацијата за промоција на Меѓународниот ден на џезот. Оваа непрофитабилна музичко- образовна организација се занимава со планирање, промовирање, низ меѓународните училишта низ целиот свет, меѓу кои и училиштето НОВА . Така, продуцирањето на овие годишни прослави е во партнерство со сите училишта меѓу кои и НОВА, веќе 6 години. Меѓународниот ден на џезот се одбележи во 180 земји во светот.

Џезот не е само музика. Важноста на џезот како алатка за постигнување на единство и мир, преку дипломатија е огромна. На прославата на овој џез-ден, во НОВА беше изведена програма, со изведби на најуспешните џез уметници. Концерти се одржуваат насекаде во светот на 30 април.

Во НОВА, во „Неделата на џезот“, се организирани многу џез активности во основното училиште, а за останатите класови, неговото изучување е влезено во програмата. Во НОВА, централна активност беше концертот на Триото Гордан Спасовски, неговото дело „Light Pillar“, Гоце Стефковски, Кирил Туфекчиевски, кои приредија уживање за присутните.

Џезот е јазик на комуникација меѓу музичарите, изразен преку нивните соништа, страсти, емоции и желби. Секој од нив сака да звучи посебно.

Меѓународниот ден на џезот во НОВА, е уште една музичка лекција, инспирација и момент за заборав на проблемите во реалноста и секако уживање, кое може да го приреди само џезот.

СИТЕ ЕМИСИИ

НОВА – Изложба на индивидуални проекти

Информатичари, уметници, готвачи, волонтери… НОВА ги собра на едно место индивидуалните проекти на учениците, кои покажаа колку успешно ја совладале науката, во разни области. Оваа Изложба на индивидуални проекти, е комбинација од петгодишна MYP- програма, а индивидуалниот проект е комбинација од целокупната програма. MYP- програмата овозможува на учениците да учат и да ги применат вештините што ги научиле, преку кои може да го прикажат најдобро она што го сакаат. Учениците може да изберат нешто академско, нешто уметничко, може да се видат многу проекти од видеоигри, до готвење, до волонтирање. Ова е одличен настан да се запознаат учениците и MYP – програмата. Одлична атмосфера, посветени научници, кои на своите штандови со индивидуални проекти, со радост одговараа на прашањата и ги промовираа своите проекти. Фасцинира посветеноста и студиозниот пристап во изработката и презентирање на проектите на учениците. Едноставно, тие „живееле“ со своите истражувања, активности и работа на проектите.

Навистина е важно кога на учениците ќе им се даде предизвик – тогаш може да се види колку е голем нивниот потенцијал, колку е отворен нивниот ум и колку е се сериозни во наоѓање решенија за многу предизвици кои се во околината, кои чекаат на одговор или изнаоѓање на некое иновативно решение.

Така и овој пат, ставени во нов предизвик, учениците се пронашле себе си и она што сакаат да го креираат, за да го подобрат светот околу себе и да влијаат тој да биде подобро место за живеење за сите.

Од книга со поезија за страдањата на жените, тинејџерките, за нивните проблеми и предизвици со кои се соочуваат секој ден, проекти за кои им било потребно понекогаш и долго време, дури по 5-6 месеци да истражуваат за да стигнат до резултати. Потоа, изработка на уметнички дела со силни пораки за запирање на сексуалната злоупотреба, до изработка на удобни парчиња мебел, потоа проекти во техничкиот свет, иновации, како што е автоматски вентилатор, потоа филмови за спас на океаните од загадувањето, урбано планирање за градење модели, до проект за наводнување на растенијата. Млади научници, креатори, реализатори.

Во младите се крие голем талент, а тие преку проектите само го потврдуваат тоа.

СИТЕ ЕМИСИИ

ДИМИТАР КОНДОВСКИ 2 дел

ДИМИТАР КОНДОВСКИ е еден од малкумината македонски ликовни уметници чие творештво остави неизбришлив, длабок и траен белег во времето. Неговиот исклучителен творечки опус е камен-темелник врз кој се гради и доградува современата македонска ликовна уметност.

Кондовски е роден во Прилеп, во 1927 година, а починал во Скопје, во 1993 година. Дипломирал на Академијата за ликовни уметности во Белград, во 1952 година. Во 1958 година бил на студиски престој во Париз, а во текот на 1961/62 година специјализирал ѕидно сликарство во Рим. Од 1952 до 1956 година работел како професор по ликовно воспитување во Скопје. Од 1956 до 1960 година работел како илустратор. Од 1960 до 1972 година бил слободен уметник. Од 1972 до 1980 година бил професор на Педагошката академија во Скопје. Во 1980 година бил избран за професор на Факултетот за ликовни уметности во Скопје, каде работи до 1987 година. Во 1991 година бил избран за член на Македонската академија на науките и уметностите.

Добитник е на Наградата на Република Македонија 11 Октомври за 1964 година, за сликарство, Наградата 13 Ноември, на Град Скопје, во 1970, Наградата за сликарство Prix National, на Меѓународниот фестивал на уметноста во Кан сир Мер, во 1974 година, во Франција, Наградата Климент Охридски, во 1987 година, како и на многу други награди и признанија.

СИТЕ ИЗЛОЖБИ

ДИМИТАР КОНДОВСКИ 1 дел

ДИМИТАР КОНДОВСКИ е еден од малкумината македонски ликовни уметници чие творештво остави неизбришлив, длабок и траен белег во времето. Неговиот исклучителен творечки опус е камен-темелник врз кој се гради и доградува современата македонска ликовна уметност.

Кондовски е роден во Прилеп, во 1927 година, а починал во Скопје, во 1993 година. Дипломирал на Академијата за ликовни уметности во Белград, во 1952 година. Во 1958 година бил на студиски престој во Париз, а во текот на 1961/62 година специјализирал ѕидно сликарство во Рим. Од 1952 до 1956 година работел како професор по ликовно воспитување во Скопје. Од 1956 до 1960 година работел како илустратор. Од 1960 до 1972 година бил слободен уметник. Од 1972 до 1980 година бил професор на Педагошката академија во Скопје. Во 1980 година бил избран за професор на Факултетот за ликовни уметности во Скопје, каде работи до 1987 година. Во 1991 година бил избран за член на Македонската академија на науките и уметностите.

Добитник е на Наградата на Република Македонија 11 Октомври за 1964 година, за сликарство, Наградата 13 Ноември, на Град Скопје, во 1970, Наградата за сликарство Prix National, на Меѓународниот фестивал на уметноста во Кан сир Мер, во 1974 година, во Франција, Наградата Климент Охридски, во 1987 година, како и на многу други награди и признанија.

СИТЕ ИЗЛОЖБИ

„Ние сме шампиони“ ЕС настап

Пеењето, танцувањето и свирењето на инструмент е исклучително важно за самоизразувањето на децата, самодовербата и креативноста. Пеејќи заедно во хор, децата ќе откријат како да комуницираат и да се поврзат со другите. Со танц можат да ги истражуваат и контролираат движењата на телото. Свирењето на инструмент им дава уникатен увид во занаетот на пишување песни и изведба.

Но, и изборот на песната како тема, никако случаен, напротив со тема да мотивира, со стих и збор, да го допре, поткрене и мотивира детското срце. Да му остане врежано во неговата меморија и да му биде водилка во неговиот развој и освојување на новото, животот, науката, светот.

Затоа, оваа уникатна изведба, на децата од прво одделение од Интернационалното училиште НОВА, има големо значење.

Како што велат и преку песната:

„Ние сме шампиони, мои пријатели

И ќе продолжиме да се бориме до крај

Ние сме шампиони

Нема време за губитници

Затоа што ние сме шампиони на светот“.

Да, децата се нашите шампиони.

Моќно и безвременско!

СИТЕ ЕМИСИИ

УМЕТНИЧКИ ЦЕНТАР „АРТ ХАБ“

Простор, кој е освежување за сцената на ликовната уметност, бидејќи е сосема поинаков од сите други што сме навикнале да ги гледаме. Уникатноста на просторот е во тоа што располага со галериско светло, системи за закачување на делата, што дава поголема вредност како галерија, од сè останато што го знаеме.

Во „АРТ ХАБ“ се изложени делата на: Коле Манев, Новица Новаковски – Новак, Томо Шијак, Свето Манев, Симон Шемов, Новица Трајковски, Тања Балаќ, Петар Попчев, Дејан Иванов, Диано Здравковиќ, Давор Кешкец, Ивана Петрушевска, Стефан Младеновски, Валентина Илијевска идр.

Стилови, колорит од бои, разновидност, богат израз, длабоки емоции, доволно да предизвика љубопитност, за да се дојде и да се доживее.

„АРТ ХАБ“ е отворен за сите љубители на ликовната уметност.

СИТЕ ИЗЛОЖБИ

ДРАГАН ИВАНОВСКИ

Ликовна изложба на ДРАГАН ИВАНОВСКИ – „АКВАРЕЛИ“

УМЕТНИЧКИ ЦЕНТАР „АРТ ХАБ“ СКОПЈЕ

Втора самостојна ликовна изложба на Драган Ивановски, стоматолог по професија, а ликовен уметник по вокација, Ивановски се претставува со бројни дела претставени во најтешката техника во сликарството – акварелот, кој му стана предизвик и непресушен извор на креативност во творењето.

Дека сликарот не се создава туку се раѓа, доказ e „аматерскиот“ сликар Драган Ивановски, кој со својот догогодишен опус и творечки ангажман самостојно го достигнал академскиот ликовен праг. Почнувајќи од 1993 г.,активно се занимава со сликарство, па во своето портфолио запишал 7 групни изложби и една самостојна, а добил и три награди за сликарство од Културно-информатиовниот центар во Скопје.

Во оваа пригода, авторот одлучил да се претстави себе си како уметник чиј интерес и ликовен ракопис е нераскинливо поврзан и отсликан со реалистичкиот, концизен израз на мотивот, независно дали станува збор за неговите дела кои ја отсликуваат безвременската убавина на природата, пејсажот, жената…

Во оваа поставка се дела со различна тематика, која во одреден момент го привлекла неговото внимание. Се работи за неколку теми: мртва природа, пејзажи, коњи,жени,цвеќе итн. Ивановски најголем интерес покажал за темата „Цвеќиња“, изработувајќи повеќе од 30 акварели во различен формат, прикажувајќи ја сета убавина на расцутената природа, со раскошен колорит, својствен за акварелната техника.

Неговата богата палета дава исклучителна сензибилна лирска димензија, а мотивите и начинот на ликовниот израз авторот го докажува како зрел уметник. Делата се вистински предизвик за сите сетила на посетителот.

СИТЕ ИЗЛОЖБИ